2 voor ná moord op bekende melkboer

Mnr. Loffie van der Gryp

Dec 29 2008 10:17:01:903PM – (SA)

Amanda Roestoff

Krugersdorp. – Twee mans wat van die moord op ’n bekende Wes-Randse melkboer beskuldig word, het gister vlugtig in die plaaslike landdroshof verskyn.

Mnre. Dumisane Ncebesha (20) van die Tarlton-hoewes buite die dorp en mnr. Karlito Makambu (26), ’n plaaswerker, is die naweek van die moord op mnr. Loffie van der Gryp (48), bestuurder van die Sterkfontein-melkery buite Krugersdorp, aangekla.

Van der Gryp is op 28 Oktober vermoor toe hy van sy kantoor op die familieplaas Ivermoor na die melkery gestap het om yskaste na te gaan.

Rowers het vanuit die bosse op hom toegesak, hom vasgebind en vermoedelik met vuurwapens en klippe oor die kop geslaan.

Sowat 12 bendelede het in groepe verdeel en Van der Gryp se vrou, Linda (46), sy seuns, Bennett (23) en Roelof (21), en sy dogter, Leandré (17), in die huis oorval en aangehou.

Past. Boer Booysen (65) van die AGS-gemeente op die dorp het daar opgedaag.

Hy is ook aangeval toe hy onraad vermoed het en by die kantoor wou gaan ondersoek instel.

’n Wilde skietgeveg het tussen hom en Van der Gryp se aanvallers ontstaan.

Een van die aanvallers het Van der Gryp in die bors geskiet. Booysen is daarna in die been gewond.

Landdros Joachim Nortjé het die saak teen Makambu, ’n Mosambieker, en Ncebesha tot 6 Januarie uitgestel.

Albei mans bly tot dan in aanhouding.

Oorsprong:Beeld
http://www.news24.com/Beeld/Suid-Afrika/0,,3-975_2446910,00.html

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s

%d bloggers like this: