Leerling voor Pta-skool beroof

Mev. Lee King (agter) en haar dogter, Candy, wat buite haar skool aangeval is. Foto: leon botha

2009-11-27 00:33

Virginia Keppler

’n Groep seuns het ’n 17-jarige meisie van Mountain View in die noorde van Pretoria gisteroggend voor haar skool met messe gedreig, geslaan, geskop en van haar selfoon beroof.

’n Bakleiery het daarna uitgebreek waartydens die seuns inwoners van die gebied met klippe bestook het.

Candy King, ’n gr.10-leerling aan die Hoërskool Hercules, en ’n vriendin het omstreeks 10:40 voor die skool gesit en vir haar ma gewag toe sy ongeveer 16 skoolseuns van ’n ander skool in die pad sien aankom het.

“Hulle het eers na ’n ander ou gestap en hom deur die gesig geklap en deursoek, maar het niks aan hom gekry nie,” het Candy vertel.

“Daarna het hulle twee ander meisies gepla en toe ek weer sien het hulle voor ons gestaan. Een seun het my in Engels gevra wat in my sak is.

“Ek het gesê daar is niks in my sak nie. Hy het gesê ek moenie jok nie en toe kyk hy in my sak en gryp my selfoon.”

Sy het onmiddellik opgespring. Die seun het ’n mes uitgepluk en teen haar keel gedruk, het Candy gesê.

“Ek het na die hand met die mes gegryp en toe my selfoon uit sy ander hand gegryp. Drie van sy vriende het nader gestap en toe begin hulle my slaan.

“Ek het die een hard geklap en toe klap hy my seker so drie of vier keer deur die gesig.”

Hulle het haar ook op haar lyf geslaan en op die grond neergegooi. “Terwyl ek op die grond gelê het, het een my in die sy geskop en toe gryp hulle weer haar foon. Ek het weer opgestaan en vir my vriendin geskreeu om weg te hardloop, maar sy het bly staan.

“Hulle het my weer omgestamp en in die ribbes geskop en toe hardloop hulle weg.”

’n Man wat Candy probeer help het, het die seuns in sy voertuig agternagesit en een seun gevang en opgelaai.

“Verskeie inwoners het uit hul erwe gekom. Die groep seuns het toe weer teruggekom en met die inwoners beginbaklei en hulle met klippe bestook.

“’n Oom het die seun in die motor geklap, waarna die seun uitgespring het en saam met sy vriende weggehardloop het,” het Candy gesê.

Mnr. Ernest King, haar pa, het gesê hy is “rooiwarm” oor wat met sy dogter gebeur het. “Ons kinders is nêrens meer veilig nie.”

Insp. Louis de Bruin, polisiewoordvoerder, het gesê hulle gaan probeer om die seuns so gou moontlik aan te keer. Die polisie weet aan watter skool die seuns na bewering verbonde is.

– Beeld

Oorsprong:Beeld
http://www.beeld.com/Content/Suid-Afrika/Nuus/1928/c5472fbee92641aeb71246d5cae385f1/27-11-2009-12-33/Leerling_voor_Pta-skool_beroof

One Response to “Leerling voor Pta-skool beroof”

  1. ProudAbout SA Says:

    You know, there is a lot of unfair behaviour against whites in SA-, but we should rather just wait for the system to sort itself out rather than looking racist- that is the last thing we need. South Africa has it problems, but there is also a lot of good in the country and in the people itself…

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s

%d bloggers like this: