Bejaarde vrou (80) oorleef mesaanval in Sedgefield

2010-02-22 23:41

Tisha Steyn

George

’n Bejaarde vrou is Maandag in die vroeë oggendure in haar huis in Sedgefield aangeval en met ’n mes gesteek.

Mev. Margareth Ross (80) van Kingfisherlaan is in haar bed oorval deur ’n persoon wat haar etlike kere met ’n skerp voorwerp in die lyf gesteek het.

Ross het ten spyte van haar ernstige beserings dit reggekry om ’n alarm aan te skakel wat sekerheidsdienste ontbied het.

Toe hulle opdaag, was die verdagte(s) reeds vort. Hulle het Ross in haar bed aangetref. Sy is per ambulans na ’n privaat hospitaal in Knysna gebring, waar sy gister in ’n ernstig, maar stabiele toestand was.

Volgens die polisie het die verdagte(s) toegang tot die huis verkry deur ’n venster te breek. Weens Ross se toestand kon daar nog nie vasgestel word of iets geroof is nie.

Lede van die polisie, die provin­siale georganiseerde misdaadondersoekeenheid en die forensiese eenheid het gister die huis en omgewing gefynkam vir leidrade, maar die verdagte(s) was gister steeds op vrye voet.

Teen gistermiddag kon die polisie ook nog nie kontak maak met enige familielede nie.

Die polisie bied ’n beloning aan vir enigiemand wat inligting kan verskaf wat kan lei tot die inhegtenisneming van die verdagte(s).

Enigiemand met inligting kan speurder-insp. Neville “Boet” Olc­kers bel by 044 802 1626, 083 683 8858, of die polisie se Stop Misdaad-nommer 08600 10111.

– Die Burger

Oorsprong:Die Burger
http://www.dieburger.com/Content/Suid-Afrika/Nuus/1708/0662fe852c384209b374ae26f4471b42/22-02-2010-11-41/Bejaarde_vrou_(80)_oorleef_mesaanval_in_Sedgefield

One Response to “Bejaarde vrou (80) oorleef mesaanval in Sedgefield”

  1. Jan Wittebrood Says:

    Gelieve my op te hoogte te houden (follow up comments)

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s

%d bloggers like this: